Ekologiya, Ətraf Mühitin Mühafizəsi və İqlim Dəyişikliyi Nazirliyinin nəzdindəki Milli İqlim Dəyişikliyi Mərkəzi Özbəkistanda şəhərlər üçün ilk ekoloji ustad planlarını (EUP) təqdim edib.
AZƏRTAC xəbər verir ki, pilot layihələndiricilər kimi Buxara və Səmərqənd seçilib. Onlar üçün EPU-lar Ekologiya Nazirliyi, bu şəhərlərin hakimiyyətləri və digər maraqlı idarələr tərəfindən işlənərək hazırlanıb.
Ekoloji ustad planı, ətraf mühitə mənfi təsirlərin azaldılmasına, ekoloji vəziyyətin yaxşılaşdırılmasına və şəhər sakinlərinin həyat keyfiyyətinin yaxşılaşdırılmasına yönəlmiş strateji tövsiyələr və tədbirlər toplusundan ibarət sənəddir.
Ustad plan şəhərin mövcud ekoloji vəziyyətini təsvir edir və o, bir sıra göstəricilərinə görə qiymətləndirilir. Bu qiymətləndirmə prosesi izləməyə, ən yaxşı təcrübələri müəyyənləşdirməyə kömək edəcək.
“Layihənin həyata keçirilməsi nəticəsində Özbəkistanın şəhərləri yaşıl, təmiz, əhatəli, davamlı və həyat üçün münasib olacaq”, – deyə Milli Mərkəzin ekoloqları qeyd ediblər.
Ekologiya nazirinin müşaviri Suna Park bildirib ki, EUP-lar artıq şəhərlərin inkişafı planlarına daxil edilməyə başlayıb. Yerli bələdiyyələrlə birlikdə əhalini məlumatlandırmaq və layihəyə cəlb etmək üçün xüsusi kampaniya təşkil edilib.
