Mingəçevir şəhərində bugünkü ağacəkmə aksiyasında 640 ədəd ağac əkilib.
“Yaşıl dünya naminə həmrəylik ili” çərçivəsində ağacəkmə aksiyasında mənzil Kommunal Təsərrüfatı İstehsalat Birliyi, Lift idarəsi, Mənzil Kommunal Təsərrüfatı Kombinatı, yaşıllaşdırma və sanitar təmizlik idarələrinin işçiləri əvvəlcədən yol kənarlarında yaşıllıq zolaqlarında ağac tingləri və gül kollarının əkilməsi üçün hazırlıq işləri görüblər.
Şəhidlər xiyabanında, N.Rəfibəyli, Ü.Hacıbəyov, İ.Qayıbov, M.F.Axundov küçələrində və H.Əliyev prospektində ağaclar əkilib, onlara aqrotexniki qulluq göstərilib.
Qeyd edək ki, ağacəkmə aksiyası dövründə şəhərin yaşıllıq zolaqlarında 13 000 ədəddən çox müxtəlif ağac tingləri və dekorativ gül kolları əkilib.
